吳浩康人生至樂時

    三月份“奉子成婚”，三日前歌星吳浩康老婆誕下九磅巨B！欣喜若狂，揭開“忍痛十七小時的生產過程”——

    夫妻笑擁巨B相片上網，初為人母的郭思琳透露，“今次呢個生育過程眞係痛不欲生，最難捱嘅……，好想順產，但，一直催生到開刀前都等不到宮頸打開，凈係不斷地Feel到劇烈陣痛，未Ready畀囝囝出來，醫生建議落催生藥；但係落咗催生藥後會不時陣痛，仲係幾犀利嘅陣痛……。”

    “太太一直承受住痛楚”，吳浩康隨侍在側，痛同身受，“等呀等，醫生與護士透露，子宮頸唔係好Ready，唔Ready嘅程度係，人哋有一至十度，我太太係一度都冇。太太失望之餘亦好擔心。雖然佢亦都好期待囝囝出現。但，始終沒這方面經驗，所以，更擔心。太太足足經歷了十七個鐘頭這個狀況……。”

    吳浩康再去到醫院時候，“護士姑娘第一句同我講：其實，你太太眞係好忍得痛，佢可以咁樣頂，仲頂咗咁多個鐘。所以，眞係好佩服太太，同埋好多謝佢，一啲都唔簡單。希望我可以繼續好好配合佢嘅生活啦。”吳浩康感謝親友們對他們一家人的關心，“所有人的祝福都收到。”

    疫下三月份，迫於結婚，因為奉子。在山邊草地註冊簽字。聲明婚宴有拖冇欠，現在，薑酌也迫近了。講到年初婚禮的誓盟：我願意……一齊去遮風擋雨。

    人生若無憾，便淡而無味了，誕巨B陣痛十七小時，難忘的，還有半年前的疫下婚禮，亦充滿“蝦碌”。老婆郭思琳好記性，“當時運輸，速遞都受影響，訂咗好多裝飾嘅嘢都沒運到，最後，我哋都係在山邊執樹枝，去完成這個婚禮會場。”

    “情場浪子”吳浩康，曾傳與六位女藝員鬧過緋聞，赫然與郭思琳閃電奉子成婚。他在婚禮上痛哭流涕，對這位Viu TV“格鬥女王”模特兒，大有“曾經滄海難為水，除卻巫山不是雲”的情緣。“聞得囝囝第一聲喊，浩康彈起，涕淚交流。”……原來人生至樂時！

    高  梁