鴻運當頭強項出擊

    昨周二主課期，出操人馬踴躍，收操後尚有三組試閘，瞄頭不俗。上仗開鑼賽練者錢健明憑高君濤騎“八達城”及“陶醉”起孖。俗話說：執輸行頭慘過敗家。錢廄新季起孖兼開勝門，對廄中人無疑是倍添信心，馬房上下軍心大振。

    上季尾錢廄鬧兵變，被拉走一批馬，令馬房兵源削弱，賽至埋尾只獲亞軍。雖如此錢健明並無氣餒，馬季開鑼頭威頭勢摘取得兩W，相信除練者部署得宜，高君濤亦為重要功臣，練者季初能夥拍此子亦找對人選。論高君濤騎功在此間屬壓一，上仗策“八達城”及“陶醉”埋門挫敵，兩駒所贏距離夾埋不足半馬位，可算發揮上佳水準。這位新鮮出爐六屆冠軍，開季替錢廄立下汗馬功勞。此雙騎練季內續有合作，值得看重。

    本周賽事接踵而至，周六上演沙地日賽。錢廄多駒應戰，當中不乏精品。旗下“鴻運當頭”報跑三四班一五一○米，今仗唞夠而來擺明搏殺。上季尾“鴻運當頭”減夠分出擊，用張志立操刀一放迄終，此役負頂磅贏來魚粥生“僅僅熟”。騎者發揮亦恰到好處，馬匹表現生氣勃勃。“鴻運當頭”前竄力強，跟得鬥得，跑沙地好腳法。此五歲馬今季勇熟有加，料有一番功業。今仗出爭一五一○米強項出擊，加上人馬配搭完整，料新季可再建奇功。