小寶着高踭鞋拍戲仆倒流血

    無線新劇《痞子殿下》收視成績理想，本周進入結局篇。由陳嘉佳（小寶）飾演的娟娟，出場後一直備受觀眾關注，她的真實身份原來是國師（黃建東飾）旗下的首席細作（間諜）“零零娟”。

    小寶因為這個角色，在戲中不乏動作場面，包括在地上滾來滾去“開槍”及練武等；不過原來相關場面對於靈活的小寶而言，並非最大挑戰，她接受訪問時透露，最大挑戰反而是要穿高踭鞋及着長裙：“差唔多每場戲都要着高踭鞋，其中有一場戲講我要推走張頴康，因為我當時戲服條裙好長，我唔小心踩到裙尾仆親，搞到膝頭同手臂都損晒同流血。”

    炎熱的天氣對小寶來說亦是一大考驗，她搞笑爆料，指吳岱融的消暑裝備最齊全：“佢會帶三個風扇仔喺身，仲會準備多兩個落地風扇畀大家一齊吹，真係好犀利！”