徐榮唔介意外國人做新抱

    足球男神黃威、藝人徐榮與兒子一起現身杏花邨商場活動，三人即場大騷球技。黃威和徐榮的囝囝Karson一見如故，未開騷已經切磋球技。黃威笑言習慣做“男神”，女友未有呷醋：“我唔抗拒做藝人，只要唔影響踢波就可以。依家多咗人識，女友都好支持。”

    徐榮則表示多年來都沒有與兒子同場做活動，今次一齊開工，都係幫補一下“酒店錢”：“其實，我哋都唔洗捱貴機票，因為一早訂好晒，反而隔離酒店最難訂。”提到兒子在英國讀書時曾確診新冠肺炎，徐榮表示：“但我見佢冇太大不適，因為佢都打晒針先出發，所以都唔係太擔心。我聽阿仔講，佢依家已有心儀對象，但係咩國籍就唔知喇，係外國人都唔緊要，真係冇乜所謂，最緊要佢哋溝通到就可以。”

    早前係徐榮與太太結婚周年紀念日，但他要開工，他笑言：“老婆其實都主張我努力搵錢，所以有時間先慶祝啦，佢明白嘅，一切為了頭家。”