容祖兒有女人味多人追

    眞正的“孖祖童話”——王祖藍請來嘉賓容祖兒，閨密訪問場地，改在課室進行。他倆小學六年級書友，坐回昔日座位，大談少年已識情滋味……。祖藍自爆，小時候口花花，好“非洲和尚”。祖兒很受男同學歡迎。

    “有男同學請教我，追求容祖兒之道……”王祖藍話音未落，迎來一聲嚴詞質問，“你有冇鍾意過我。”

    王祖藍“死火”三秒，口窒窒打圓場，“唔夠膽惗，高過我點夠膽惗？”祖兒反駁，好多人都高過你！至此卻沒有揭露，世界華姐祖藍嫂身高五呎十一，與祖藍係馳名的“長短腳戀”。那時節，容祖兒其實還可以一句噴過去，你哋男人呀，口不對心。可窒而不窒，節目質素的衡量，甚麼叫做“雅俗共賞，老少咸宜”。

    王祖藍隨即為祖兒品行加分，“我隔鄰個男同學好鍾意你(口+架)。”大講童言——我哋男同學，都係鍾意成熟同有女人味嘅女仔。

    唉——容祖兒誇張長嘆一聲：“點解大個咗冇呢樣嘢呢？冇人追嘅。其實，我都好想搵返個斯文感覺，我覺得愈大，愈似一個男人，忽略了做女人的溫柔。”

    天后中的天后，愛情苦惱多年，很多主持人都不敢問她男人的事。只有母親問過半句，“擔心祖兒身邊，沒有一個照顧她的男人”，容祖兒補上下半句，母女泣不成聲了。今回，“孖祖童話”值得一讚，王祖藍詭計多端，話題打破禁區，不但給祖兒一個男人，而是給她一班男人，排隊去追加，雖然是小學時同學仔，亦容祖兒輝煌情史。

    歷史講證物，製作組事先準備了二人當年六年級的全班合照，“孖祖”即八卦地跟循相片緬懷昔日回憶。兩位明星自爆了原來“人細鬼大”，興奮地鬥快尋找彼此初戀對象，大叫“兩小無猜”的中文人士名，容祖兒彈起，“喂，唔好講人全名啦。”講到“李克”，未吐第三個字，祖兒“暈咗”。

    高  梁