艾妮黎展峯翻唱Twins金曲

    今年是Twins成軍廿一周年，前日更是她們推出首張專輯的紀念日子，同公司的師妹艾妮(Elly)便孖小師弟黎展峯(Andy)，將二人早前翻唱Twins金曲Medley的短片上架，為師姐慶祝一番。原來這次的錄音及拍攝全是Elly自資，提到找師弟Andy合唱。Elly搞笑道：“我係‘誘拐’佢嚟同我一齊合唱，當初因為想將師姐嘅歌轉成男女合唱試吓個感覺，咁啱又知公司有男新人出道，而且夠高key，所以就搵咗Andy嚟幫手。”

    有傳Twins會舉行演唱會，Elly十分期待，“有嘅話一定會睇，集體回憶喎，我都係聽師姐嘅歌長大。”Andy同樣是聽Twins的歌成長。會否想合唱？Andy說：“我可以同師姐合唱《死性不改》呀，大家記得幫我出呢句，希望師姐睇到。雖然未知會唔會有演唱會，但我好期待。當時基本上身邊嘅同學朋友都係聽住佢哋嘅歌大，或者去唱K都會唱佢哋嘅歌，就算唔啱key走晒音都照唱。”