被問《明日戰記》成績打分

    古仔：可以更好我冇喊

    由古天樂主演及擔任總監製的電影《明日戰記》，成為第四十六屆香港國際電影節開幕電影，前晚古仔與姜皓文及導演吳炫輝，到尖沙咀出席電影節紅地氈儀式。古仔透露早前離港十六天到內地為電影做宣傳，提到他在活動上講到希望大家不要令他覺得自己是孤獨一個人，古仔說：“我話喺呢個（電影）路上，而家隔籬都企咗兩個人。”

    他曾表示入場看電影的人都是老婆，古仔解釋因為當日在直播時，看到留言的人全部都叫他做老公，所以他才笑指每個入場的人都是自己老婆。被指宣傳期間因感觸而流下男兒涙，古仔坦言若自己真的喊，大家應該會看到影片。他笑說：“嗰日我行戲院，佢哋冇開冷氣，熱到呢！”古仔坦言感觸當然會有，因為這部電影花了十年時間，並不是一件容易的事：“我覺得最緊要大家去支持，第二就係作為一套科幻片，無論係點都好，就算好成功，返去都係會檢討，因為永遠都會有進步空間，咁樣先會做得更加好。基於呢個大前提下，就算金錢多啲我覺得都應該，如果唔係我哋永遠學唔識呢件事。”

    古仔又希望大家可以觀看完電影後再給予評論。至於會為電影打多少分數，古仔表示不會為電影評分，因為他覺得好才會推出來：“但我都係補充一句，我覺得可再好啲，但就需要每一次不停去學習，爭取到經驗先至會有進步。”

    有不少藝人在網上聲援古仔的新戲，他坦言覺得感動，在旁的姜皓文說：“一定需要支持，除咗係古生嘅心血之外，亦都係香港電影一個新嘅里程碑。”問到古仔是否滿意內地票房成績，他說：“我呢，就用鋼鐵做嘅，我唔會跌低嘅，就算跌低我都即刻起返身，大家放心！”古仔謂現在會專心在香港做好所有宣傳活動。他離開時，停下來為在場粉絲簽名，即使被包圍搞到寸步難行，亦有與他們合照，表現相當親民。