淡出演藝工作

    陳百祥宣佈轉行

    前晚，無線遊戲節目《答得快好世界》錄影新一集，邀得陳百祥（阿叻）任嘉賓主持。他宣佈本月二十日的仁愛堂慈善騷，是他最後一次演出， 之後不會再做電視節目主持，亦不會再拍電影電視及做演藝工作。

    前晚，阿叻與彭健新、連詩雅、鄭融、范振峰、肥媽、陸浩明、李麗霞及徐文浩錄影由張秀文及鄭衍峰主持的新遊戲節目《答得快好世界》。阿叻受訪時突然宣佈不會再參與電視、節目主持及電影工作，他笑說：“我唔係廿七歲 ，係七十二歲， 我同譚詠麟同年，冇得呃人的。我會轉行做一些未曾接觸過的工作，（是否在馬圈發展？）練馬師我都做過，同馬圈無關，未來會做新項目，（返大灣區創業？）係全中國、全世界有華人嘅地方，成功了才向大家講。（是否轉去跳舞及唱歌？）我唔係靠跳舞唱歌搵食，我係靠個腦搵食。（是否開老人院？）不排除這個可能性，因為我都未做過，石天都係退咗休之後開老人院。（是否息影？）若有人邀請我做嘉賓，都可能會亮相。今個月二十日我會為仁愛堂的慈善騷獻唱，這也是我最後一次演出無線的大騷。”

    已接受陳家樂求婚的連詩雅，被追問婚禮籌備得如何？她表示：“今年內未必能成事，因為疫情反覆，同埋好難夾日子，所以好難籌備。目前還未影婚紗相呢，甚至連婚紗都未揀，因嫌自己未夠弗，要再操弗先啦。總之個婚禮十劃都未有一撇。”談到前晚參與遊戲節目，她坦言心情有些緊張，因為自己一向玩遊戲最渣，怕表現不好拖累隊友。

    她又透露家樂預計九月回港，打算到時二人拍拖去看他有份演出的電影《神探大戰》。