馬國明稱帝睇緣份

    郭晉安（安仔）、胡定欣、馬國明（馬明）、唐詩詠、陳豪（阿Mo）、張曦雯、姜麗文及劉溫馨等，昨日到銅鑼灣出席無線新劇《白色強人Ⅱ》宣傳活動，眾演員除了介紹劇中角色外，男、女演員又分組沖咖啡，定欣自嘲女子組似煲湯多啲。對咖啡有研究的陳豪見大家雞手鴨腳，忍不住大展身手，之後更請現場觀眾品嘗。

    近日有指無線今年的台慶劇將安排由馬明和詩詠分別主演的《法言人》和《超能使者》孭飛，並即將播映兩人主演的重頭劇《白Ⅱ》造勢鋪路，兩人獲公司力捧成為今屆視帝、視后大熱門。馬明說也有留意報道，但未知《法》劇是否台慶劇，公司亦未有通知。談到是視帝大熱，馬明稱每套劇的演員都是對手，同劇的安仔和阿Mo也是勁敵，得獎要睇緣份。