校園演出都要安歌

    張敬軒自嘲做壞規矩

    張敬軒日前受邀出席香港九龍真光中學校慶活動，並獻唱《遇見神》。演唱完畢後，幾位學生司儀向軒仔送上花束，軒仔笑言咁大個仔都未試過畀咁多女仔圍。

    張敬軒日前受邀出席香港九龍真光中學一百五十周年校慶活動，甫出場便獻唱一曲《遇見神》。當軒仔出場時，現場師生幾乎進入瘋狂狀態，現場的歡呼聲大得幾乎聽不到軒仔的歌聲，認真誇張。

    演唱完畢後，幾位女學生司儀向軒仔送上花束，收花後原本打算返回後台的軒仔，卻被女司儀叫住：“張敬軒先生，你睇吓群情洶湧呀，你唔係諗住淨係唱一首歌吓？係咪呀？”台下觀眾立即起哄，全場不停大嗌“安歌”，猶如在紅館現場一樣。

    為了不讓同學仔失望，軒仔便說：“我先唔收花，再送多一首歌畀大家，係《櫻花樹下》。”最後更同全場觀眾來個自拍大合照。

    軒仔表示起碼有三至四年沒有到學校演出，更笑說：“因為呢間係女校嘛，所以其實我咁大個仔未試過畀咁多女仔圍！同埋真係好耐冇做過學校演唱會，耐到我都唔記得。因為疫情至少都有兩、三年，見到咁多年輕一輩，我都覺得自己成個人青春咗、有晒活力，話晒我都係今年度‘哎吔新人’，哈哈。”

    軒仔的紅館演唱會日前圓滿結束，“安歌”次數多到破晒紀錄，想不到今次到學校獻唱同樣被觀眾要求“安歌”，軒仔笑言自己做壞規矩：“當然大家鍾意我嘅演出，我梗係開心，亦都一定盡量滿足大家嘅要求。不過唔知會唔會做壞規矩？之後無論邊個場都要Encore？咁就要睇現場觀眾係咪真係想聽我唱多幾首啦，哈哈。”