玫瑰勇士強項出擊

    颱風過後又有馬跑。今晚五埸沙地賽形勢緊湊，尤其馬季已至季末，不少馬勤拼露疲態，陣上失準唔奇，投注宜多加留意臨場騎、練動態。是仗各廄出馬形勢以譚文就最強，七駒列陣不乏精品，值得吼緊。

    譚文就廄季內頭馬數字穩步上揚，迄今累計二十二W排名第五，計成績唔差。練者今季收了梁曉傳做徒弟，得此減磅牌仔助戰，出擊無往不利，季內兩師徒亦合作愉快。今晚譚廄屯重兵搏殺，多駒交梁曉傳操刀，值得馬迷看重。

    第一場：五六班一五一○米。“力奇寶寶”季內由梁曉傳主轡屢有戰功，人馬夠夾檔，上次因梁曉傳停賽易配呂韋勒落敗。拼後重新打磨，操好增程出擊，重配牌仔操刀不同估計。此駒前後兼具，跑沙地最合發揮。憑人馬合拍，有力爭勝。

    第二場：四班一五一○米。“玫瑰勇士”一向跑沙地為最佳出路，迄今已取三勝五位，有績可尋。連次草戰無功求減分，今番重返勝途強項出擊。此駒梁曉傳季內贏過一次，人馬有合作經驗。此番吼緊路程而來，可重溫贏馬美夢。

    第五場：四五班一○五○米。“誰愛武士”服役後迄未贏馬，但季內四戰沙地兩次入位，可見跑沙地可取。此駒質新未見底，今次復跑沙地不同估計。強配高君濤操刀，幕後擺明要借助騎者功架替馬匹開齋。此雙人馬可視為重心看待。

    搏殺錦囊

    第一場：②力奇寶寶 拖①、④、⑥

    第二場：①玫瑰勇士 拖③、⑤、⑦

    第五場：③誰愛武士 拖②、④、⑦