張慧儀重投劇組拍攝

    藝人張慧儀近日為某護膚品牌拍攝電視廣告，大會昨日舉行首映禮，並邀請了蔡宛珊擔任司儀。慧儀婉拒透露今次代言費用，笑言“回春”無價：“睇落後生啲都好啊，大把角色畀我發揮！（回春後想搵返個伴？）唔敢諗呢啲啦，一切隨緣啦，總之依家靚咗就春風滿面。”

    久未露面的張慧儀，坦言要囝囝“批准”方可出席活動，更被叮囑要做足安全措施：“佢唔係怕我太性感，係怕人多易感染病毒，叫我唔好除口罩、勤洗手！可能我有事就會傳染畀佢，搞到佢冇得返學咁話。見佢咁有上進心，做阿媽都好安慰。”

    除了擔任品牌代言人外，張慧儀近日亦忙於拍劇，對重投劇組大感興奮：“其實我一直都有拍攝工作，只係受到疫情影響，少咗好多外地拍攝機會。之前要隔離十幾日，都會心掛掛個仔，唔敢走太遠。依家隔離日數少咗，就開始接洽電影。最好有返大馬拍攝的，咁我就可以順便探吓屋企人，因為太耐未見過佢哋。”