林盛斌密謀幫定欣相睇

    林盛斌(Bob)前日出席預防心臟病宣傳活動，並與現場病友分享自己接受“通波仔”手術的經歷及康復歷程，他表示：“因為疫情令好多病人手術延遲，依家只能排期做返。”

    同場還有心臟科專科醫生陳良貴（朱慧敏老公），Bob是兩人的媒人，陳良貴被問到是否有努力“造人”？他笑稱正在努力中：“我與太太都很忙。（若太太拍劇會否支持？）如果有好劇本，佢鍾意做的事我會全力支持。（拍劇會忙到冇時間造人？）男士最主要是享受過程，唔會佔用好多時間。”

    阿Bob曾表示要幫胡定欣物色“筍盤”，前日他說一直有與定欣聯絡：“我亦在搜羅中，有幾個人選，都係有頭有面的，有IT人和金融才俊。如果單對單、好似相睇咁會好尷尬，所以打算搞個入伙派對。”被譽為圈中“媒人王”的他，被問有冇打算開媒人公司？Bob說：“有朋友話打本畀我開媒人公司，但我推咗。我覺得做媒人幫到朋友當然開心，亦係自己的福氣，錢都係在其他方面去賺吧。”