昨日賽事總投注二百五十餘萬

    高君濤起孖兼捧盃

    昨天草地賽事完結，全日在變化地上角逐。是仗戲碼較佳，六場總投注額共收二百五十一萬二千元。

    頭場高君濤騎蔡鎮威廄“聯安大兄”先拔頭籌。此駒上次千五米力拼第三，拼後小休縮程易配再戰，起用高君濤搏殺。騎者接手出擊不敢怠慢，出閘快步跟前守好位，入直路發力一攻而破，贏來兵不血刄。“聯安大兄”服役後取得首捷，騎、練齊居功。

    第二場黃世浩再贏全廄“東花園”。此雙人馬上次贏完再來，今次原程出擊，騎者駕輕就熟，出閘快步搶先，全程領放直帶到底，贏來無懈可擊。“東花園”人馬打疊贏兩次，謝貴全廄喜添進帳。

    第三場高君濤起孖兼捧“澳門堅尼大賽”奬盃。此子騎陳俊輝廄“飛龍在天”，以較佳留放挫敵。此駒上次力拼梗頸，今次原裝配搭再戰。雖然排十檔起步，但出閘迅速埋欄，沿途且戰且走，入直路發力一攻而破，替馬匹贏得漂亮一仗。陳俊輝喜捧奬盃，高君濤亦起孖，收穫甚豐。

    第四場黃世浩搏殺起孖。此子贏完“東花園”手風正順，是場騎李家輝廄“汪臣”，以強橫衝刺後上退敵。此駒連敗多場無建樹，今次遇上場地變化正合發揮，一條直路撼低對手，替馬房建功。輝廄喜添頭馬，黃世浩今季首次起孖。

    第五場余健雄贏馬，策騎張兆煊廄“江河飛騰”出閘以快打慢，一口氣直放到尾。此駒上次黃世浩跑同程得第三，今次換上余健雄操刀發揮又不同，贏來從容不迫，替兆廄建功。

    尾場任布利騎浩廄“珍珠鴻運”爆冷食尾餬。此駒一向跑中長途為最佳出路，上次千五米無功而回。今次易配再戰，獨贏冷至二十倍，入直路衝刺，後上險勝對手，替馬房添進帳。任布利、梁國浩食尾餬埋齋。