衛蘭自認目前最弗

    衛蘭日前接受娛樂新聞台節目專訪，大談相隔四年後舉行演唱會感受。她直言開騷有點緊張：“可能最近少了演出機會，加上在紅館開騷更加緊張。今次演唱會音樂性比較重，我的參與度比較高。但大家未必見到我跳舞，我唔係跳舞歌手，唔想無啦啦做一個跳舞環節。”

    談到她不停增值自己，仍堅持學唱歌，衛蘭說：“係覺得自己未夠好，發現唱廣東歌唱到第六七八首聲帶開始攰，廣東話咬字有影響，覺得好難。所以要搵老師調教自己的咬字，而且令到條氣順啲，希望可以練到唱廿幾首歌都唔攰。因為我啲歌真係好難唱，我有信心唱得好畀大家睇！”

    衛蘭近日清減不少，她說：“做運動已經變成我的一個習慣，疫情下冇得做Gym，但我會在屋企做，會行樓梯機四十分鐘、舉啞鈴一個鐘頭，係好辛苦，不過好有用。食量方面要減少，要食多些蛋白質！依家到咗四十歲，但我覺得今年反而最弗。可能呢個年紀睇開咗，知道大家欣賞我唱歌，而唔係注重我外表，所以我感覺到自己更加強壯，依家係最靚的我！以前減肥有壓力，係為人而減，依家係為自己、為健康而減。”