表現好獲監製賞識    

    馮盈盈主持《好聲好戲》

        汪明荃、阮兆祥、馮盈盈、袁偉豪、宋宛穎、楊潮凱、戴耀明及蘇韻姿等，前晚出席《好聲好戲》第二季錄影開機儀式。節目由祥仔與馮盈盈擔任主持，汪阿姐則再做主席評判之一。

    在上一輯節目中做參賽者的馮盈盈，今輯就升級擔任主持。她表示因為監製讚她第一輯打入最後三甲、表現良好，所以今輯可以過來人身份分享經驗及感受。盈盈又說：“節目最好睇係評判不留情面，對參賽者的批評一針見血，咁我可以用過來人身份去潤飾成件事。”她坦言當時自己有被打擊自信心：“首日拍攝已受衝擊，非常緊張，因為甩嘴也冇機會再來。”

    現時有三個綜藝節目在拍攝中的盈盈，對上一套出街劇集是《智能愛人》，被問是否仍未“解凍”？她就說：“如果有三個節目在做都叫被雪，似乎唔符合事實。（有冇戲癮？）今次做主持絕對滿足到我，因為有好多專業配音員、監製同資深演員在場指導，完全學到好多嘢。”剛度過生日的盈盈表示，比她早兩日生日的宋宛穎特意買蛋糕為她補祝生日，令她十分感動。

    宋宛穎表示會做旁聽生及負責打氣，之後亦可能會上台。本月八日生日的她，談到生日願望時說：“希望多啲工作，身體健康、疫情快過。”新一屆港姐面試已進行得如火如荼，宋宛穎慨嘆時間過得快：“卸任都會感到不捨，亦有留意候選佳麗，覺得質素都不俗，希望有機會可以跟她們交流。”

    袁偉豪表示今次做參賽者，並直言自己表現很差：“我今次想放低身段由零開始去學習，剛先錄影咗一部分，演出係差又有甩漏，評語不留情面都要接受。好似好難受，但係一個重新考驗，希望有日能為動畫或者卡通片配音。更希望可以像上一季冠軍陳自瑤一樣，勝出後接到不少工作。”

    剛完成澳門演唱會返港的汪明荃（阿姐），對於首次接受隔離生活，她表示比想像中容易度過：“可能心中有數，知道要隔離幾多日，所以自我做了調節，否則會好難過。後來返港又放寬了政策，減咗七日，隔離咁耐好夠喇。”阿姐透露在酒店隔離期間好忙：“連電視都無開過，每日都是練歌，因為十二月有演出，帶了粵劇劇本去睇，還有踩健身單車及夜晚要洗衫。”問到可有掛住老公羅家英？阿姐笑說：“少少啦，佢去了新加坡探親及旅遊，已經返香港。佢話早知唔使隔離咁耐都一齊去澳門，我哋每晚都有通電話。”阿姐表示返港後有很多工作，又要做慶回歸節目，短期內都不會再離港。