陳豪兩公婆再演情侶

    陳豪(Mo)、陳茵媺(Aimee)邂逅於劇集《心戰》，結婚並生育三子女的十二年後，今年七月將首次夫妻檔拍劇，監製仍是當年的陳維冠。能邀得這位賢妻良母“出山”，需甚麼條件？“冇特別要求，只係想演好角色，好嘅劇集。”

    八年前，Aimee已獲邀復出了，但那時兒女尙小，故婉拒對方。快將開工的Aimee，最擔心的是輔導小朋友；也要輔導自己：“平日我有好多嘢要處理。要接送佢哋返學，又要睇功課，阿女很快升小一。但是，我都係時候為自己理想再出發。監製好有誠意，劇中角色係為我度身訂造，眞係好興奮。”Amiee自認對中文認識不多，看劇本仍要翻譯：“我之前用咗十一個鐘頭睇兩集劇本，希望可以快些入戲和習慣。”

    拍劇出身、現時又是母親，Aimee說：“我好想證明，我對拍劇這團火，這八年來都冇熄過，熱誠和夢想都冇放低，成日想拍返戲。我好想屋企和事業都做到平衡。”

    一夫當關的是陳豪：“能夠參演太太復出的首部電視劇感到榮幸，太太的夢想亦是我的夢想。只要能夠幫助老婆完成夢想，甚麼我也願意做。”三名子女每天都黐實媽媽，Mo會否向他們提早做心理輔導？“小朋友已經知道媽媽再次投入拍戲，亦為媽媽感到開心。但為父者亦感到擔心。”Mo說：“老婆經常不在屋企，總係有種唔習慣嘅感覺。不過，開劇前會為子女作出安排。小朋友平日活動時間表都必須由家長負責，拍劇時無論多忙，都要事先安排一切。我哋做父母的，才可能安心專注在戲劇世界裡面。時間管理，一直都是家長最大考慮。”

    婚後十二年，復出再演情侶，問監製陳維冠有否安排二人拍親熱戲？回應說：“冇喎！不會專登安排，會含蓄些。”

    高  梁