王梓軒自認環保分子

    王梓軒日前為資產管理公司拍攝網絡宣傳短片，化身環保大使教大家減碳。梓軒說：“好開心，去年拍《演鬥聽》時已傾洽，終於有緣合作。我同名廚兼生意人Ricky一齊錄製，拍攝過程簡單又開心。”

    廣告講及環保，梓軒自認是環保分子：“我好環保！平時做運動連風扇都唔開，焗一身汗！屋企好多家具同音樂器材都好耐歷史，唔係成日買新的，張床係阿爸阿媽以前用的，桌椅都係改裝再用。我最近翻看賬單，我正在用的那支咪都係大學時代用到依家，電線仲用得耐！所以我都屬於一個低碳人，但係都要多啲講呢類訊息。好多人覺得低碳係用環保紙，平時唔用咁多飯盒、口罩都可以環保，我用的是可以洗的口罩，大家多從唔同方面去保護地球啦！”

    談到投資心得，梓軒說：“我冇錢投資地產，但藝術家和藝術品就有少少投資，呢類點都唔會輸。投資係幫緊藝術家做他的作品，自己又可以享受他的作品，當升值時候，大家咪一齊分囉！都係好開心的投資。”