張敬軒成立基金為舞者圓夢

    張敬軒的紅館演唱會尾場在周日晚圓滿結束，軒仔當晚“安哥”五次，唱到凌晨一點後，最後他以一曲詩歌《遇見神》為合共廿六場的演唱會劃上完美句號，同時亦是軒仔人生第五十場紅館演唱會，可謂別具意義。

    軒仔在完騷後接受訪問，對於廿六場演唱會終於完成，他給自己表現八十分：“扣了廿分，是因有機件故障，我覺得每晚都要保持一定水準。”談到每晚都因安哥超時，軒仔坦言罰款已過百萬元：“基本上由第一日已四、五度安哥，若果唔係紅館有限制，粉絲企幾耐、我唱幾耐都得，因為呢啲係愛！冇嘢緊要得過我的支持者對我的支持，特別依家樂壇有新局面，但我依然有咁多人支持我，係好需要珍惜。”

    談到軒仔在台上宣佈將會成立舞者獎學金，他說：“今次演唱會，看到有很多舞蹈員為追夢唔容易，有的為了學跳舞更一日打三份工；我能夠為社會做多些事是應該的，好想幫助基層及因各種原因負擔不起學舞的年輕人。”軒仔表示第一輪由他先拿出七位數資金開展計劃：“同步會叫老闆楊生幫手及找贊助、舉辦慈善籌款，但基金一定不會以我個人命名。”