對唱跳感興趣

    許廷鏗想跟盧瀚霆合作

    早前舉行的《CHILL CLUB 推介榜年度推介 21 / 22》頒獎典禮上，許廷鏗獻唱時發現疑有工作人員未熄咪，有男聲不斷說“Keep Going”干擾了他演唱。大會決定於前晚在同一個舞台上，舉行《CHILL CIUB Keep Going》音樂會作為補償。

    前晚在九龍灣展貿舉行的《CHILL CIUB Keep Going》音樂會，許廷鏗、盧瀚霆 (Anson Lo)、馮允謙、MC張天賦、陳蕾等歌手齊參與演出。許廷鏗在開騷前接受訪問，表示會唱一些正能量的歌曲，並笑言今次已拜神，應該會冇事。

    談到上次工作人員冇熄咪影響他演唱，他表示：“唔關事，但我答應參與呢次演出時，仍有少少陰影，但真係冇諗過大會會用上次工作人員其中一句說話‘Keep Going’做音樂會名，仲要係用嚟做主題口添。不過，原來有啲嘢，如果換咗個角度嚟睇，都幾開心嘅。”他又提到被超人氣偶像盧瀚霆稱呼為前輩，“佢話細個時已聽我唱歌長大，我亦好多謝佢翻唱我嘅歌，（想唔想同佢合作唱跳歌曲？）我都好期待有機會同佢合作，我對跳唱歌都好有興趣，但要搵佢指導我，我知佢要求好高，希望有機會合作時，佢對我要求高得嚟亦不要太高，其實我知佢好尊重長輩。”

    許廷鏗早前為張敬軒的演唱會擔任嘉賓，他坦言自己在讀中學時已開始聽軒仔的歌曲，指軒仔是不可多得的前輩歌手，“我讀書時好鍾意聽佢首《遙吻》，唱功有勁，我都係聽佢嘅歌長大口架。”