郭柏妍跳鋼管舞上癮

    二〇二〇港姐季軍郭柏妍(Rosita)，為拍《雙生陌生人》一改形象，轉走狂野路線大跳鋼管舞。Rosita之前在劇集《青春不要臉》中憑“陽光妹”清純形象贏盡關注，是次有“長腿女神”之稱的她，一改形象轉走狂野路線大跳鋼管舞，Crop Top、熱褲配以性感高難度動作，令人眼前一亮。為跳好鋼管舞，Rosita之前在劇組安排下跟老師上堂，又刻意做運動及節食以保持身材。

    Rosita自言愛試新事物，感激監製及劇組賦予新體驗：“雖然我本身有跳開舞，但鋼管舞有一定難度，要用嘅臂力比較多，所以我另外有上空中瑜伽同武術堂去練番啲力。我有機會都想再學鋼管舞，因為佢可以用到身體每一嚿肌肉，都係運動嘅一種。跳鋼管舞其實好靠手、腰同腳嘅皮膚去啜實條Pole，但我覺得少少瘀傷OK嘅。”