章尾而自導自唱新歌MV

    香港唱作女歌手章尾而(Jamie)日前接受無線娛樂台專訪，大談推出新歌的感受。她說：“今次我有份執導新歌MV。寫呢首歌的時候，腦裡其實已經有MV畫面，一定要着高跟鞋跳舞、一定要有水。”

    章尾而表示自己好鍾意拍MV：“我諗無論係電影、音樂、畫畫、車衫，關於藝術的我都好鍾意。我上畫畫堂的時候，反而啟發到我寫歌。”問到拍攝MV有何趣事時，她說：“我本身有學跳舞，但係唔叻。今次要苦練，我冇諗過咁難，因為好多落地動作。初初練習時冇戴護膝，搞到膝頭同埋背脊都瘀晒。拍攝當日天氣亦好凍，十三度左右，仲要落水，但為咗效果靚，通常都要咁辛苦。”

    談到去年她為師姐方皓玟的紅館演唱會擔任嘉賓，Jamie說：“本來我係自薦唱和音，但最後竟然變咗做嘉賓。收到通知後好緊張，緊張時腦袋就會變空白，所以日日在家死練爛練，練到倒轉都識背。當上到台時候，我冇諗過小明的粉絲開晒手機燈，佢哋未必識得我係邊個，但我戴住耳機都聽到佢哋為我打拍子、揮手，我覺得好感動、好Sweet。”