羅毓儀獻熒幕初吻勁緊張
黃庭鋒、倪嘉雯及羅毓儀在新劇《雙生陌生人》中分別飾演馬德鐘、陳煒及湯洛雯的年輕版，深受網民喜愛。暫時佔戲不多的羅毓儀，先後出現接吻戲及床上戲，雖然都是含蓄地表達，但已挑起網民神經，留言搞笑謂：“還我羅毓儀熒幕初吻。”
對此羅毓儀表示：“呢個角色原本由另一位演員演，但佢後來因為某啲原因辭演，所以我接嘅時候好急，唔係好夠時間做功課，都好擔心出嚟嘅效果。今次係我第一次演愛情戲同埋有接吻戲，所以好緊張，有啲位做得唔係好好，庭鋒見到會叫我放鬆啲、唔好太擔心，佢係一個好好嘅對手。”
羅毓儀透露之前同庭鋒沒有合作過，笑言二人因為日本文化而打破隔膜：“佢識日文，我又識日文，變咗有共同話題。我覺得我哋都幾有默契，溝通非常良好。”
監製阿Lam受訪時亦大讚羅毓儀及黃庭鋒演出達標。
