鄭世豪被疫情影響追夢

    鄭世豪日前接受無線娛樂新聞台專訪，大談近年成為唱歌老師的感受。談及疫情令收入大減，世豪直言有所影響：“我一直都係自資出歌，疫情期間冇得登台，但好彩拍劇有收入，仲可以在音樂上追夢，繼續出歌。”

    鄭世豪表示初期唔敢去教唱歌，擔心誤人子弟。他說：“經過自己入行唱歌，多咗好多經驗，亦有學過教唱歌的音樂課程，所以在疫情下的起心肝決定開始開班教人。而且為咗上堂，我去學咗鋼琴，上堂時就可以同學生即時練習。依家間中有時間，我亦會自彈自唱、拍片上載上網。”

    談到他有份為歌曲《不易》寫歌詞，他說：“其實我第一首創作的作品，就係學車那一首廣告歌，曲詞都係我自己寫，當時只係當留個紀念。我真正嘗試作曲的就係《完場前》，不過出街之後發現麻麻，覺得自己都係乖乖唱歌算了。之後與好多音樂人合作交流，開始多了創作知識，才再嘗試填詞。因為未係咁叻，我就同其他人合寫，諗住慢慢來。”