麥子樂天台肉搏麥明詩

    由麥明詩、麥子樂、黃德斌、陳雅麗、黃又南領銜主演的網劇《逐流時代》，開播以來話題十足。近年轉戰法律界的麥明詩，在劇中跟麥子樂的情慾戲更成熱議話題，日前播出兩人在天台“激戰”場面，尺度大膽；拍攝期間麥子樂只身穿肉色底褲上陣，難怪他大叫尷尬。

    劇情講述麥子樂與麥明詩在樓梯激咀，之後情不自禁在天台“激戰”。麥子樂透露拍攝過程順利，埋位前亦溝通好及試了多次位，不過為了營造出露股視覺，麥子樂只身穿肉色底褲上陣。他說：“我覺得拍呢類戲，通常男仔會比女仔更尷尬同緊張。好彩拍呢場戲時，同明詩都合作了一段時間，感情好好，可以好好溝通，所以拍攝順利而且點到即止，一兩Take就完成。不過我真係好尷尬，因為依家唔係去游水嘛，我淨係着住條底褲，但現場好多人。”

    問麥子樂可有為今次拍攝而操肌？他指自己一向有健身，沒有為角色而刻意操肌：“因為拍呢套戲係夏天，我的戲服係五層西裝，每日排汗量超多，唔使減肥。”跟麥明詩首次合作，麥子樂大讚對方健談兼醒目：“合作過後，我對她有改觀！起初我對佢觀感係好Cool，但原來熟絡之後，佢份人幾熱情，而且仲好好傾。”

    入行以來，麥子樂拍過不少感情戲，而且不時挑戰尺度，問到他可有覺得自己艷福無邊？他笑說：“熒幕前我哋感情好豐富，監製、導演好錫我，畀好多感情戲我，可能佢哋知我現實中冇嘢。”