阮繼志寫不出的戲劇人生

    《倩女幽魂》編劇阮繼志，年少得志、花天酒地……亮相《360秒人生課堂》，自爆寫了六十個劇本，最傳奇人物是他的老婆——醉酒車禍，昏迷咗兩個幾月，一睜眼發覺，跛咗！腦部受影響，半邊身早期活動不自如。“哈哈，仲可以寫劇本，唔使驚！”點知呢一句話感動到護士小姐。為咗娶老婆，即刻努力寫劇本，“點知愈心急，劇本愈唔得，不久就冇乜人搵我。”

    乍驚還喜，不是夢境般的影視劇情。金馬奬的編劇也未想到的情節，竟然發生在自己身上。香港的芸芸老婆珍貴品種中，竟然眞有人愛上身殘志不殘的逆境英雄。

    天緣巧合，也遇上只講金不講心的電影老闆。阮繼志最難忘慘受冷眼的經歷：“有個電影公司老闆一路食炸雞，一路睇我個劇本。同我講：你唔運滯都唔會撞車啦，我諗你以後嘅劇本，好難似以前咁賣座。嘩！幾心噏，最慘係，佢仲撕咗我兩頁劇本出來抹手。”

    邊個？爆佢出來！座中有人叱喝。阮繼志搖搖頭，以存忠厚：“唔講得。”“講啦！”會場上有人義憤塡膺，“講咗，你聽日會消失！”不知是誰答了一句；鏡頭大特寫，主持人阿Bob個光頭汗光閃爍。也許更多觀眾會問：“那個電影老闆是否早已消失？”

    用臨危的心電圖形容自己人生，經歷了六個高峰、五個低谷。為生計，阮繼志轉行做打工仔，“可惜冇一份工做得長，太太贈我一句，做工一定要用個心口架。一言驚醒，再度埋首寫劇本，靜待機會。”寫下《醉拳2》、《逃學威龍2》，因盜版及金融風暴再陷低谷。憑《二人三足》獲內地大導馮小剛賞識，再邀北上大展拳腳；卻在此時，阮母證實患癌。三百六十秒怎講得完人生！

    高梁