森美否認與小儀不和

    藝人森美日前出席加密貨幣平台成立兩周年的活動，分享投資心得之餘，並為大會宣佈抽獎活動的名單。

    森美表示疫情緩和，工作開始重回正軌：“搵多啲就唔係，只不過多返嘢做，不過都有啲患得患失。之前因為疫情，日日都見到小朋友、晚晚一齊食飯再打機直落，多咗好多親子時間。不過呢段時間都冇見過父母，只可以通電話問候。”他表示被老婆投訴有“抗疫肥”，所以正積極收身。

    阮小儀早前於ViuTv節目《晚吹》中自爆二人曾不和，森美回應道：“我想問強尼幾時請我飲嘢呢？我唔使飲醉先講嘢。同小儀合作廿幾年，當年我哋捱咗十幾年，終於調去做黃金時段。佢有一日突然話想調做朝早節目，因為返夜晚搞到佢冇得拍拖。由那一刻開始，我開始明白佢意思，冇逼得佢太多。”