無限讚美可勝此局

    今晚五場沙地賽，出馬不多，但形勢吃緊，混戰局面暗藏殺機，賽果熱倒冷爆唔奇。是仗騎練實力比較，騎師睇好高君濤。此子上仗起個孖寶，頭馬增至五十九W，比居次的張志立多三十一W。今晚四駒在手匹匹夠惡，可優先考慮。

    練者馮耀正上仗取一W，現以二十六W帶頭，比錢健明只多三W，優勢漸減。馮廄戰駒季內且休且戰，馬匹保養得宜，回氣後又可派用場。今晚精品列陣，看馬匹分佈形勢擺明出擊，馬迷可留意。

    第一場：“二三四歲”一三五○米。“無限讚美”上仗同程拼得第二，雖未竟全功，但水準穩定。休後打磨甚力，論馬狀態續有進展。此駒質新未盡，現居此組負磅輕有着數。馬匹後勁可取，回配田中正一操刀，憑騎者駕輕就熟，可勝此局。

    第二場：三四班一○五○米。“飲就兄弟”季內跑沙地演出準繩，上仗一三五○米力拼掄元，快放險勝表現續有進步。拼後加強備戰，埋門快試火旺力足。今番強配高君濤操刀，此子騎熟知馬性，憑路合人強，可爭連捷。

    第五場：四五班一五一○米。“靈想”季內由馮廄接手已取三捷，表現脫胎換骨。此駒沙地唯一出路，跑同程更拿手好戲。上仗落敗視作回氣，今次四五班混戰應佔盡便宜。

    續交余健雄主轡，騎者已駕輕就熟，冀替馬匹爭取今季四捷。