鍾麗淇正向面對女兒患病

    林盛斌(Bob)主持的《360秒人生課堂》前晚首播，第一集演講嘉賓有Ben Sir、素人媽媽黃溢妮(Stephenie)，現身支持及旁聽的則的嘉賓有陳榮峻、鍾麗淇、區永權及湯兆昇博士。Stephenie照顧自閉兒子的故事，令阿Bob感動落淚。鍾麗淇及區永權同樣要面對子女問題。

    鍾麗淇的十一歲大女Isabella患上罕見基因病“四號染色體缺損綜合症”，至今仍未學會說話及步行。每次抱住大女時面對外人的詫異目光，鍾麗淇都會正向面對：“有時我見別人望住佢，覺得點解會行成咁？點解要抱？我就會同佢講，呢個係我個女，佢依家練緊行路，咁就得喇！我希望好似Stephenie咁分享心聲，然後會令身邊人更了解整件事。”

    區永權細仔Ambrose一歲半時被診斷患上中度至嚴重自閉，幸好兩夫婦及早發現、積極處理，現時囝囝情況大有改善。區永權憶述當年得知兒子有事一刻不斷哽咽：“我記得我太太當時買咗好多相關的書，我一路開車、佢一路讀書的內容畀我聽，兩公婆一路喊，那一刻我到依家都好記得。”