歡欣福星後發先至

    今晚澳門馬會續轉播香港賽事。筆者比較睇好巴度座騎，此子沉寂一排後上次勝出級際賽，手風轉順，應該可以再斬四兩。

    第二場四班二千二百米。巴度接手新勝同程的“賞心星”，雖然今仗蝕分上陣，不過跑同程的締速相當硬淨。今場孭輕磅而且中段發力招數甚為煞食，仍可再追。

    第四場二班千八米。“歡欣福星”賽績上雖以一六五○米較佳，但季內跑同程曾在級際賽蝕分上名。今場僅跑二班賽而孭一二二磅極具競爭力，預計有足夠步速可後發先至制勝。

    第八場四班千二米。“國士無雙”近期跑同程搵到真正出路，接連得一冠一季。今仗仍得檔利相當好跑，開竅後可望再下一城。

    第二場  ⑩賞  心  星

    第四場  ⑤歡欣福星

    第八場  ②國士無雙