黃建東抽水認做冼靖峰老竇

    李思捷主持的無線節目《思家大戰》最新一集，邀來一班香港喇沙書院畢業的TVB藝人作賽。思捷問眾人是來自哪一屆？黃建東（東東）自答是九八屆，誰知冼靖峰(Archie) 亦回答“九八年”，但實情是黃建東九八年參加會考，Archie是九八年出世，東東搞笑地即刻叫Archie做“阿仔”，話可以做得佢老竇。

    當晚亮相節目的“喇沙仔”包括冼靖峰、黃建東 、Patrick Sir、周奕瑋、江榮暉。東東回想自己讀中學時好內向：“就算好想唱歌演戲都唔敢講，連跟同班同學參加校內歌唱比賽，都緊張到甩嘴忘詞，所以當我加入娛樂圈時，大家都話估唔到。”東東話一班喇沙舊生就算素未謀面，但聚在一起時都感受到一股濃濃的兄弟情，最開心是一起唱校歌及聊起一年一度的聖誕舞會。東東說：“每年聖誕舞會都可以邀請女校的女仔出席，大家難得唔使着校服、可以着正裝禮服，又攞正牌同女仔跳舞，現場又會有人叫我哋送花，好浪漫、好好玩。”