國金軒爭取連捷

    今午六場草戰出馬不算多，但形勢頗混亂，低班場合重心難尋，高班場次膽易配難，睇環境又係爆冷格局。練者馮耀正上仗增添一W，現以二十四W領先。錢健明前日交白卷落後前者五W。今日錢廄重兵出擊，擺明要搏殺。

    錢健明今季養逾四十駒，倉口成巨型班，旗下兵雄將勇，出擊可呼風煥雨。練者為爭取蟬聯今屆冠軍，近期攻勢浪接浪。上仗守齋一期後，今仗九駒強陣應戰，值得吼緊。

    第一場：二三四歲馬千二米。“國金軒”上仗在澳服役首戰即開齋，跑來前後兼具，表現予人好感。此駒質新具潛力，全熟後料可扳上三班作戰。拼後重來，今於二三四歲場合作戰，計實力足夠周旋。續由老搭檔高君濤操刀，可爭取連捷。

    第三場：一二班千二米。“常山虎”沙地可適應，草地更出色。上仗同程闖入冷連贏，馬匹沉後表現復甦。此駒千二米路有專長，跟得鬥得，拼後再磨狀態扳升。此番續由艾比操刀，騎者近期神勇無比，演出令人改觀。今次人馬重逢，可亂大局。

    第六場：三四班千八米。“濠江寶”上季戰績出色，惟實力用得頗盡。今季轉投錢廄重新部署，近期連敗多場評分已減，今仗身處此班佔優勢。此駒長途氣袋，前後兼具，今番復配田中正一操刀人馬夾檔，憑騎者駕輕就熟，坐位望贏無“甩拖”。