飲就兄弟減磅爭功

    今晚沙戰跑五場，部分馬少場合暗湧甚大，料賽果爆冷居多。前領騎師高君濤上仗復出即起孖，現頭馬大幅甩開對手，邁向七屆冠軍寶座。此子今晚騎四場，手上有精品，臨場可吼緊。練者馮耀正佈強陣，睇環境來者不善。

    馮耀正近期續展攻勢，上次尾場爆出冷馬“添彩吉祥”增添一W，暫以取二十三W領先，比居次席錢健明多四W。馮廄為保領先優勢，今仗派多匹精品出擊，擺明要開殺戒，捧場客可留意。

    第二場：四五班一五一○米。“靈想”近仗同程摘取兩連捷，表現出色，投入馮廄後脫胎換骨。此駒質新未盡，且不斷進步，季內評分料有上升空間。休後重新打磨，論態有增無減。今仗再戰同程尤合發揮，憑騎者摸熟馬性可爭取三連冠。

    第三場：二班一五一○米。“銀城雄星”上仗草地千八米未合發揮，落敗不為奇。拼後休養生息再來，今次復爭贏馬途程不同估計。此駒沙地合腳法，直路竄勁夠強。改由中野省吾主轡戰鬥力轉強，憑班宜路合，可勝一仗。

    第五場：四班一三五○米。“飲就兄弟”季內三戰沙地一勝兩位，還未脫過三甲，演出算準繩。上仗短途得第二未竟全功，但表現仍佳。拼後勤加打磨，狀態有進無退。今仗起用牌仔梁曉傳操刀，憑減磅優惠搏殺，遇同組對手無多，有力替馬房爭功。