自嘲偏肥難搵替身

    陳瀅拍打戲頂硬上

    正在熱播的無線重頭劇《飛虎3壯志英雄》的幾位女主角陳瀅、蔡思貝、姚子羚，早前接受《Star Talk》節目主持人王鎮泉的訪問，大談拍攝時的辛酸和趣事。

    談到《飛虎3壯志英雄》劇中槍戰連場，陳瀅透露事前用了一整天學開槍：“比我想像中難，睇戲時覺得單手開槍好瀟灑，但其實好難，因為支槍嘅扳機好硬，開槍唔眨眼又係非常之難。”陳瀅又指因是第一次拍開槍戲，故不知道要戴耳塞自我保護，黃宗澤即送了她兩個耳塞，令她感覺好Sweet：“佢準備咗啲肉色耳塞，因為冇咁易穿崩，嗰吓真係好Sweet，所以平時點恰我都由佢啦！”

    劇中陳瀅與黃宗澤有感情線，蔡思貝、姚子羚則與吳卓羲有感情線。陳瀅透露已不是第一次與黃宗澤演情侶，她表示：“冇咩人知，嗰時自己仲係超級新人，第二套戲就係同佢演情侶，相隔咁多年之後再同佢演情侶，感覺好唔一樣，嗰陣自己乜都唔識，連走位、燈光都唔知，現在有咗幾年經驗，等佢唔使覺得我仲係口靚妹仔咁。”

    至於拍攝最辛苦的一幕，陳瀅表示要穿得性感潛入豪宅，加上不少動作場口都要親自上陣，她更暗踩自己偏肥：“呢個身形得我自己有，因為通常替身都好瘦，所以好多動作要自己做返！”

    蔡思貝坦言拍動作場面令她有挫敗感，因為動作要求要做得乾淨俐落，但她總覺得自己做得不夠好。不過有一幕她要短跑一百米後，再打筋斗起身再開槍，思貝笑言攝影師陪住她跑感覺好好玩，好似打遊戲一樣。

    姚子羚與吳卓羲對上一次合作已是二○○五年的《酒店風雲》，二人本身份屬老友，今次合作已有默契，子羚說：“佢都冇大改變，當然更加成熟，但都係一個大細路，好鍾意整古作怪同埋請大家食飯，同佢再合作有一份默契同開心。”

    另外，子羚笑稱因為與吳卓羲太老友，拍感情戲時其實好辛苦，因為要忍笑。至於蔡思貝劇中多次請吳卓羲“食檸檬”，她笑指其實有苦衷：“因為我個角色非常冇安全感，覺得吳卓羲嘅角色吊兒郎當，要經過好多考驗先覺得可以依賴及接受到佢。”