陸浩明被肥媽窒“三不像”

    由肥媽與“六號”陸浩明主持的《煮 · 野食》，日前播出第十集，肥媽與六號到訪上水坑頭休閒農莊，並邀來六號女友陳詩欣(Ayan)做嘉賓。

    該集為六號及其女友度身訂造“問答”環節，每條問題均擺明為難六號。其中一條導演問拍了九年拖的六號與Ayan的相識紀念日，六號淡定回應：“九月十七日。”隨即遭製作組笑指“求生欲極強”；六號最終技巧地逐條問題“拆彈”，成功化危為機；Ayan亦被口花花男友冧到暈得一陣陣。六號又自爆情人節忘記送禮物給Ayan，竟就地取材送上西蘭花補鑊，在旁的肥媽看不過眼，即時搞笑叫六號“死開”，場面爆笑。

    周三播出的第十一集中，兩人到錦田大江埔的農場搜購本地靚雞，再於八鄉生態農莊戶外爐灶製作一雞兩食“鹽焗雞”及“豆角炒雞雜”。期間六號自資在超級市場買了八隻蝦，豈料肥媽卻極之嫌棄：“啲蝦咁細隻？自己畀錢就係咁孤寒！你睇你買啲蝦同我買啲蝦幾唔同，你買呢啲中唔中、細唔細、大唔大，同你個人成正比，三不像！”