否極泰來東宮珍

    叔父少時嘗隨老人家睇電影，時被無頭東宮嚇得揳入凳底，由是一直被“大口珍”嚇大。此實冤哉枉也，珍姐銀幕上下皆好人，何嚇之有？

    珍姐余麗珍，梨園大姐大，當年八大花旦組成八牡丹，係佢居首，外號紫牡丹。餘則是紅牡丹鳳凰女，藍牡丹鄧碧雲，銀牡丹羅艷卿，白牡丹吳君麗，黑牡丹于素秋，綠牡丹南紅，黃牡丹林鳳。

    珍姐因戲中專演東宮，已成銀幕形象，一定悽悽慘慘，又一定苦盡甘來，史上似無出其右者。佢同西宮李香琴係註冊雙標，一忠一奸，缺一不可，結尾則只得一個，肯定沉冤得雪，東宮壓倒西宮。

    珍姐係廣東人，馬拉出生。十三歲學藝，精於刀馬旦，譽為“藝術旦后”。因天生愁相，演苦情戲唔使化粧。乃夫李少芸，係名編劇，唔少都係妻唱夫戲，亦梨園佳話。

    十八年前今日珍姐逝於加國，享年八十一。俟後無頭東宮成絕響矣！

    西門公子