無線冇晒人更安全？

    確診新冠肺炎的胡定欣，穿紅衫笑容燦爛貼靚相，“休息幾日，已漸好轉了……。”但，電視城同期確診的，還有七位藝人，是否咁好彩早日康復，仍是未知數……。

    戴祖儀受訪，她與胡定欣同組拍攝《破毒強人》的，停拍期間，關於胡定欣“中招”，有人知道，原來更多人不知道，只以為全廠例行消毒而已。

    日日要出街的《東張西望》，外景主持“一蚊Joe”游莨維及兩名導演均傳染疫。傳媒致電游莨維，仍未回覆。廠景主持Patrick Sir受訪表示，聽聞有關消息，並不確定。他說，“擔心都冇辦法，因為，我哋都冇得走，外景主持都要返公司對稿配音的。自己做廠景都好些；做外景主持要出入高危場所，風險相對高很多，有時，還要訪問沒有戴口罩的人……。”

    在廠景《東張西望》的Patrick Sir又說，“現在，自己每天都會用檢測包測驗，確保是陰性才會上班……。現時電視城很多人都是在家工作。成層六樓（配音樓層）都冇晒人，我從未見過如此情景。不過，我現在返公司開工，反而仲覺得安全，因為冇乜人。”關於胡定欣確診消息，林溥來則指劇組已停工，並未收到何時復工。他透露，“月前我亦有份拍攝《破毒強人》，戲中我的主要對手，就是胡定欣。”

    《東張西望》外景主持梁敏巧表示，近兩個星期沒有與“一蚊Joe”同日上班，做外景主持，都會同坐一間錄音室錄音的，外景時就會接觸導演和工作人員。她自言每天上班前亦會用公司提供的檢測包做測試。梁敏巧表示，“近兩個星期，我覺得公司好明顯減少了外景，可以的話，都會留在公司做電話訪問。作為外景主持，眞係避無可避，亦唔到自己擔心咁多，唯有勤洗手，多消毒個咪，食完飯立即戴返口罩。而我因工作關係，亦算高危人士，所以，最近都好少見屋企人。”

    高  梁