藝人唔擔心染疫係假話

    視帝如何防疫？陳豪獻上良方：“聽聞劇組演員染疫，自己非常擔心。現在每天進行自我快速檢測，雖然呈現陰性，但亦進行自我隔離，睡覺會在獨立房間、飲食和家中活動都在房外露台；我會更加嚴謹地廿四小時戴口罩、且必須定時更換。現在是香港前所未見的非常時期，希望大家能手牽手、咬緊牙關，一起度過難關吧。”

    “手牽手度過難關。”陳豪似欠冷靜了，要度過疫情，切記洗手、保持社交距離、不得超過兩人聚會。身處片場，“唔驚！”係呃你嘅。連日盛傳電視城經已徹底消毒，但是同劇組的胡定欣亦確診，無線隨即進行緊急措施：外景劇集取消外景、廠景製作取消廠景；大玩文字遊戲，不直接宣佈“全面封廠”，因每日播出的《愛·回家》不能停拍也。

    會否感到有壓力及擔心？“大小姐”林淑敏表示：“我唔擔心，因為我哋入廠前都會做測試，確保陰性，還須影相通知劇組與同事。知道近來錄影廠日日消毒，我哋都有社會責任，希望可以謹守崗位，拍些好節目畀觀眾。”

    處境劇會比其他劇緊張少少，因為要每日播出街。“熊尙善”滕麗名表示未收到停廠通告，監製林建祥回應傳媒說“劇集尙有存貨”。

    剛開拍《法言人》的馬國明說：“遲幾日開工都好，疫情還未到最高峰；如果公司覺得錄影廠安全，我哋都要開工。”自從胡定欣承認也染疫，《法》劇隨即取消廠景拍攝，同劇的林夏薇表示：“要等公司另行通知。”

    《隱門》繼續停工，陳展鵬說：“我哋做演員戴唔到口罩，隨時做咗帶菌者；呢個係公民意識，公司停廠安排都啱嘅。我身邊的好多朋友手停口停，希望快啲有效率有方法遏止疫情。”

    “停工係好事！”剛開拍《輕·功》的黎耀祥說：“現在確診數字幾何級數上升，睇定啲先啦。”

    高  梁