黎啟峰代樂迷唱出心聲

    黎啟峰(Edward)新歌於日前推出，MV亦已上架。Edward表示自覺十分幸運，在今年爆發第五波疫情這個艱難時刻，仍有機會出歌做歌手，希望能以“說故事的人”身份與樂迷分享音樂。

    向來堅持寫歌的Edward，今次首支派台歌就是用上自己作曲的作品。他表示：“這首歌講寵物同主人之間的關係，由開始養寵物、到寵物經歷生病或者老死而離開的感受。MV就係講離開之後，主人點樣面對寵物的離別、點樣梳理自己唔開心的情緒。這首歌由我作曲，我的大學同學文偉業填詞。佢係我大學時期一齊創作的老伙伴，今次寫好曲之後，文偉業來回只係寫過一稿，完全冇改過，佢好清楚我想要的東西、我亦好欣賞佢着墨的地方。佢好鍾意用一啲好理性手法，形容寵物離世的必經階段，歌詞就係好好的例子。”

    身為唱作人，Edward坦言有很多題材想寫，但他最想做一個“講故事的人”。他說：“我好想透過音樂、旋律令到大家有共鳴。除咗唱情歌之外都可以帶畀觀眾更多主題，同時亦想幫大家講多啲故事，所以之後將會有多兩首同寵物有關的歌曲，成為一個系列。另外亦想做一啲與情緒、心靈有關的歌曲，帶給大家多啲心靈上的慰藉。”