謝天華不排除“大灣仔”開騷

    薛家燕、范振鋒及思敏於新城電台主持的《開心大放送》，因應香港近日疫情嚴峻，改為網上直播，更邀來久未露面的謝天華做嘉賓。

    謝天華早前在內地忙於拍攝綜藝節目《披荊斬棘的哥哥》及《大灣仔的夜》，農曆新年前趕及返港跟家人度歲。節目中，天華坦言離港八個月，非常掛念妻兒：“返內地時間一定長，不能隨時搭飛機返香港；因為回港都要隔離，隔離廿八日我都試過。其實我在內地仍有其他工作，但我想回家過年。經常陪唔到屋企親人，覺得自己是不孝子，但要搵食無可避免。這次回來打算給小朋友一個驚喜，事前叫太太保守秘密，冇諗到七歲的大仔見到爸爸回家，竟呆了兩秒，如在夢中，哈哈。”

    家燕姐提到天華在上述兩個節目中大顯廚藝，天華謙稱：“講真，全部都唔叻，經營餐廳更屬於幼稚園階段，跟在屋企煮飯是兩碼子的事。每日一起身就要拍，邊個係店長？邊個負責買菜？廚房廚具、碗碗碟碟都係自己買，真係攰到死。”

    天華新一年工作大計會有多個方向，包括電影、網劇、真人騷，還會聯同多位歌手開演唱會。問到“大灣仔”可會開騷？天華謂：“要諗點樣遷就五個人的檔期，可能將來大家在不同空間都可以開演唱會。”