何雁詩佗B戒煙戒酒

    鄭俊弘(Fred)與何雁詩兩夫婦日前接受TVB娛樂新聞台專訪，大談將為人父母感受。Fred婚後一擊即中做爸爸，他笑言估唔到自己咁勁：“我都被自己嚇親，我的朋友同家姐都試咗好幾年才有BB。”

    何雁詩表示懷孕初期反應大：“頭三個月腰痛及周身痛，有時仲會無啦啦喊，好似拍MV咁望住個窗喊，情緒起伏好大。Fred就睇好多書，嘗試去了解我經歷咗乜嘢、慢慢冷靜聽我講，所以好多謝佢！依家呢個階段比較舒服，淨係覺得自己好肥！”Fred立即示意：“完全唔肥！一啲都唔肥！”

    兩人直言為BB有所改變，阿詩說：“我本身鍾意社交、飲返幾杯，但係為咗BB，決定要戒煙戒飲酒。我仲想戒睇電視同玩手機，我同Fred太鍾意宅在屋企睇電視，有時可以睇全日，好擔心小朋友出世後冇電視冇電話就唔食飯，所以我哋要以身作則。”Fred就希望為兒子開設投資賬戶，他說：“幫佢儲定啲錢，讀書又好、做乜都好，等佢大個咗唔使咁徬徨。之前的利市錢都放去做最高風險投資。”兩人又多謝阿Bob介紹陪月員，Fred說：“我本來諗住遲啲至算，就算搵唔到，可以自己做返。但身邊的朋友係咁嚇我哋，話到時就頭痕，依家搵到就安樂晒！”