三對恩愛夫妻齊亮相

    單文柔被陳展鵬狂窒

    無線趁情人佳節推出長達一小時的特別版《諸朋戀友》，邀來圈中三對恩愛夫婦自揭相戀經過、拍拖時不為人知的笑料，亦大談婚姻觀及相處之道。

    今年的西方情人節與中國傳統情人節僅僅相差一天，別具意義。無線逢周日晚播放的清談式綜藝節目《諸朋好友》，亦趁佳節請來三對恩愛夫妻亮相，包括陳展鵬及單文柔、黎諾懿及太太李潔瑩、徐榮及太太Kathy，還有熱戀中的情侶陸浩明與女友Ayan。眾人在主持人崔建邦及麥美恩的引導下，大爆相戀經過、拍拖時不為人知的笑料，亦大談婚姻觀及相處之道。除了“放閃族”，節目還請來“單身貴族”方力申、郭子豪、孔德賢、連詩雅、江嘉敏及游嘉欣擔任嘉賓；早前盛傳“被分手”的郭子豪更親身回應情變傳聞。

    結婚三年的陳展鵬及單文柔(Phoebe)在節目中表現恩愛，由於Phoebe經常詞不達意，展鵬與黎諾懿不止一次聯手取笑她，Phoebe則全程任窒唔嬲兼笑到合不攏嘴，令錄影廠氣氛開心又熱鬧。兩人除大爆相戀經過，還分享了無數甜蜜點滴。展鵬大爆Phoebe是夢幻型情人，經常希望老公能像劇中角色一樣浪漫，他苦惱地說：“情人節最勁一次，我送咗一百枝玫瑰花。佢成日不停搵我拍劇做過的劇情出來（要我對佢做返），但拍戲唔使我出錢買花吖嘛。”黎諾懿聞言即搞笑搭訕謂：“你成日拍劇啫，佢未必成日拍劇嘛，調佢去劇組，咁就唔使煩喇。”偶爾會被“亂講嘢”的太太搞到“冇你咁好氣”的展鵬，其實暗地裡甚為細心留意太太一舉一動，不時流露關愛眼神，溫馨爆燈。

    身為“多嘴代表”的黎諾懿，自爆最難忘的甜蜜事件竟是在老婆生日會上喝得酩酊大醉：“佢醉咗比我醉咗更麻煩，所以我每次一定比佢早（飲醉）。每次見到佢一開始（有醉意），覺得唔對路，我就會係咁灌自己飲。”諾懿又自爆被老婆嚴禁在家“講壞話”：“佢依家唔畀我在阿囝面前講佢壞話，因為我本身好鍾意講人壞話。”

    至於徐榮就被太太Kathy爆料指每次只要演奸角，就會變得好難頂：“佢一拍奸的角色就最難頂，佢會好惡。”徐榮只能無奈回應：“我係衰啲，搵我老婆來試戲、試反應。”

    日前盛傳“被分手”的郭子豪，在節目中解釋消息傳出當日，他與女友鄧卓殷(Amber)正安坐家中齊齊看電視；接到傳媒朋友致電詢問分手一事時，他亦即時告知女友。最後不知如何應對媒體朋友的他，當時是這樣回應的：“我話做緊嘢，轉頭再打過畀佢。”