李思捷被“熊家”隊員圍攻

    李思捷主持及監製的遊戲節目《思家大戰》，昨晚播出的一集上演《愛 · 回家之開心速遞》之內訌番外篇，由“根叔”劉丹率領的“熊家”隊決戰由“大龍生”羅樂林率領的“龍家”隊，噱頭十足。

    李思捷透露當初構思節目時，已希望邀請《愛 · 回家》成員做嘉賓，可惜眾人非常難請。滕麗名聞言笑謂：“你唔係第一個遇到呢個問題的人，但你係第一個解決到問題的人！”思捷再八卦問丹爺：“你哋一家人係咪真係咁好感情？會唔會停機後嘴藐藐？”丹爺九秒九精靈妙回：“我哋嘴藐藐只係對外人咋。”但未幾“熊家”即親身示範如何藐爆外人。事緣劉丹介紹成員期間，笑指只有“金城安”不是姓熊，思捷隨即“自掘墳墓”發問：“佢老竇係邊個？”滕麗名聞言激動投訴：“有冇搞錯呀，你冇睇戲咩？”之後熊家成員你一句、我一句圍攻思捷，最後思捷要賣口乖才平息眾怒：“所以你哋咪Number one節目囉！”

    “大龍生”羅樂林原來與思捷係老友鬼鬼。思捷一見到對方即投訴：“我哋呢幾年每一兩個月都會飲酒食飯，但自從你拍劇後，搵親你都話好多嘢做。”之後思捷扮嘢王上身，模仿“籮籮孿”的口吻謂：“唔得呀！唔得呀，真係好多嘢做。”羅樂林見狀即刻補鑊，笑指今次就係為李思捷“獻出寶貴的第一次”，最終成功安撫思捷，場面搞笑。