美麗人生獨贏冷到震

    金星之星質新具潛力

    年初五賀歲馬完結，新正頭入場馬迷較平日踴躍，總投注額接近四百萬，是近年賀歲馬較踴躍的一次。是仗賽果連場爆冷，賀廄“美麗人生”由艾比操刀爆逾千一元，獨贏冷到震，另有“金星之星”派彩四百，買中者好分。

    是仗賀歲馬騎練各有不同際遇。前領騎師高君濤及中野省吾全日無馬贏，兩人座騎備受追捧，但大熱死火導致各場勝出頭馬派彩普遍好分。牌仔梁曉傳頭尾場各憑“誰愛合金”及“譜錄”起個孖寶，兩駒派彩不算冷，但對捧場客已有交代。此子今季始出賽，經數月汲取實戰經驗，近期演出續有進步，表現不遜大師傅，騎放頭馬及鬥後勁皆有一手，加上獲減十磅優惠，可謂認真着數，日後此子不失為最佳投注對象。

    新紥練馬師何華麟虎年首戰憑“金星之星”打響頭炮。此駒在余健雄胯下後上挫敵，四十倍冷W贏來從容不迫，看來實力還有大把在手。“金星之星”質新馬頗具潛力，上仗贏來明顯超班，料加分居三班絕對有得揮，下次未宜小覷。何華麟上季棄騎從練，開倉後一切由零開始，俗話說：萬事起頭難，練者有馬入倉後默默耕耘。“金星之星”賽前已操足三個多月，期間慢火煎魚式打磨，上仗初出即勝，是練者及廄中人所花心機取得的成果。何華麟開齋後可放下心理包袱，日後疊埋心水爭取佳績。“金星之星”鞍上人余健雄與何華麟合作首次贏馬，兩人屬港產騎師出身，大家同聲同氣易溝通，上仗攜手合作擦出火花，季內此雙組合值得看重。