張名雅宣佈離巢外闖

    前港姐冠軍張名雅前晚在IG貼相發文，宣佈離開合作近十年的TVB往外闖。

    現年三十四歲的張名雅是二○一二年度港姐冠軍，同屆亞軍是黃心穎、季軍朱千雪、最上鏡小姐岑杏賢；如今四人前程各異，但有相同一點，就是都已離開了TVB。張名雅在一六年嫁給律師蔡錦豪，並先後誕下兩個囝囝，她不時在社交網分享一家四口的家庭照。

    張名雅前晚留言說：“快十年了，入行的經過還歷歷在目。當時有個心態諗住試吓啦，反正都大學畢業，亦從加拿大返香港了。如果唔試就以後都唔會做呢件事啦！於是媽咪提名我參選香港小姐。如果遲啲生多個女，我就可以將我手上的冠亞季后冠都送畀佢（香港小姐冠軍、溫哥華華裔小姐亞軍、國際中華小姐季軍）。我是否選美達人？不，只是想做就做！以後可以做自己鍾意做的事，繼續同大家分享、見面。希望不久將來有好消息同大家講。最後要多謝公司上下幫過我的你們！兄弟姐妹，江湖見。”看來她離巢後有意先追返個女。