張進翹新年與家人行山

    歌手張進翹(Manson)應香港開電視主播馬梓軒邀請，日前拍攝賀年特輯，更即席揮毫寫揮春。Manson透露過年期間除了與家人朋友相聚，品嘗賀年糖果亦是重要一環：“我好鍾意食瑞士糖！去婆婆屋企拜年，攢盒一定會有好多糖，然後我就會食晒裡面紫色提子味的糖。其他親朋戚友就會問點解冇晒提子味？其實就係被我食晒！”

    訪問當日，Mason的揮春分別寫上“金虎與共”及“翹盼幸福”，他解釋當中含意：“我寫‘翹盼幸福’係想送畀每一位香港人。只要我哋願意選擇開心、選擇幸福就會幸福！但點解要翹盼呢？就係希望大家就算在困難的情況或者疫情之下，都可以保持自信及健康身體，去期盼幸福來臨。”

    談及農曆新年的活動，Manson笑言大掃除是每年必做的事：“因為我間房好亂呀！我已經搞唔清楚自己本身係鍾意整齊還是鍾意邋遢！另外，過年我同屋企人一定會去行山。通常去行龍脊，那座山都算易行。行山時又會不時撞見朋友，好開心！一家人行山的話，去行龍脊係一個唔錯的選擇。”