冇嫌藝人收入少

    謝嘉怡認同多勞多得

    肥媽與陸浩明前日出席新節目記招，有份擔任節目嘉賓的“黑妹”李麗霞及前港姐謝嘉怡亦一齊亮相。肥媽在現場大展身手，用岩鹽板煎牛肉及豬腩片，嘉怡與陸浩明就做助手負責擺盤。

    全新綜藝節目《煮 · 野食》早前已展開錄製，由肥媽和陸浩明主持，兩人將會到訪不同的野外地方作即摘即煮即食。除了會到農莊、魚塘拍攝外，更會探秘香港美景並就地取材煮飯。肥媽與陸浩明合作超過十年，今次已是第十三次合作主持新飲食節目。肥媽更請來好友“黑妹”李麗霞）做嘉賓，也帶挈世侄女謝嘉怡參與節目。

    前日記招上，肥媽明顯比之前消瘦，她大嘆為節目瘦了十磅，更直言今次做節目是被陸浩明整蠱：“當初他說想出外拍攝，不用每次都在錄影廠做，結果原來係咁辛苦！初時拍到我好攰，煮食架生又唔齊、去的地方又遠，由日出煮到日落，返廠煮好過啦。”不過，肥媽也大讚節目製作效果有新鮮感，也發現到香港原來有很多地方可以去玩。陸浩明就笑言見到“契媽”消瘦也大感心痛，刻意帶來“新抱仔”女朋友自製的餅乾做禮物作補償。

    問肥媽是否特別關照世侄女謝嘉怡當嘉賓？她說：“唔係關照，都要給新人機會吧，咁樣才可以長江後浪推前浪。”謝嘉怡笑稱在廚藝世家中長大：“全家人都懂煮食，我反而廚藝不精，只識食。”節目中，嘉怡亦一嘗撈魚的辛苦。

    陸浩明近日上傳與謝嘉怡聊天的片段，當中嘉怡提到以前在蘇格蘭做護士的薪金，月薪大約是兩萬六千港元，又說：“當時做護士的收入很穩定，但現在做藝人的薪金，每個月都不一樣，家人擔心我在香港經濟有困難。”前日她澄清說：“其實兩邊都差不多，至於做藝人似乎就要多勞多得啦。不是說我賺唔到錢，家人只係擔心我在香港要自己生活，但現在父母都來了香港，所以問題不大。”她又坦言長期在香港工作，唔介意找個香港男仔拍拖。