牛年壓軸賽總投注近三百萬

    兩騎一練牛尾起孖

    昨晚牛年壓軸戲順利完成。是仗戲碼不弱，六場總投注額二百九十二萬二千元。

    頭場五六班混戰，余健雄騎馮廄“靈想”後上先拔頭籌。此駒轉倉後前仗初出跑沙地獲首捷，馬房已有交代。上次轉戰草地千二米無功而回，今次復跑沙地表現截然不同。騎者出閘守住第三位，入直路發力一攻而破，贏來兵不血刃，替馬匹取得轉倉後第二W。余健雄、馮耀正攜手添頭馬。

    第二場高君濤替兆廄“比特王子”開齋。此駒上次用牌仔梁曉傳主轡，快放三段後勁不繼落敗。拼後換高君濤再來，騎者出閘跟出守住第三位，入直路發力衝刺力追前領馬“飲就兄弟”，埋門一步以短頭位氣走對手，替馬匹開齋。“比特王子”質新當起馬，開竅後會有更進一步表現，下次再出仍堪追捧。高君濤增添一W。張兆煊贏馬交代。

    第三場林凱勁爆王君適廄“愛神之駒”。此駒上季沙地表現鋒芒畢露，惟季尾求減分已連場吃敗仗，輸至人怕怕。今次用林凱奇兵突襲，憑凌厲後勁一條直路殺低對手，爆五十五倍大冷W，替馬房建功。適廄贏馬，林凱牛年標尾會。

    第四場高君濤起孖。此子騎謝偉豪廄“紅日金駒”大熱險勝對手。此駒上次用牌仔梁曉傳跑草地無功而返。敗後走馬換將由高君濤操刀再搏。騎者出閘跟住二三位，入直路發力狂追前領馬，埋門一步拍實張志立“鴻運當頭”，鬥至要影相分先後，結果以馬鼻位力壓對手，替豪廄贏馬。高君濤喜中孖寶，是晚“牛尾”一戰收穫不俗。

    第五場余健雄搏殺起孖。此子頭場騎馮廄“靈想”開餬後，是場騎張兆煊廄“勇強旋風”以大熱姿態取勝。此雙人馬上次蠃完再來，今次捧成頂頭大熱不足兩倍，騎者出閘應聲彈出全程愈放愈有，大勝廄友“勇強追風”多個身位，替馬匹取得兩連勝。余健雄是仗喜中兩元，並替兆廄完成起孖任務。

    尾場林宏基贏“冬甩仔”，打開從練勝門。此位新紥練者今季出戰多埸未贏馬。今次派遣新馬“冬甩仔”交張志立出擊，終埸以大熱姿態取勝。林宏基取得開倉首捷，張志立居功。