昨日賽事總投注逾二百九十五萬

    高君濤三元埋齋

    昨天草地賽事完結。是仗戲碼平談，六場總投注額二百九十五萬七千元。

    頭場八駒混戰熱倒冷爆。賀蘭杜夫廄“聯安財神”交廣州騎師黃世浩主轡，後上先拔頭籌。此駒上次艾比跑千二米無功而回，敗後走馬換將再來，今次用黃世浩增程搏殺。騎者掌握留放尺寸，出閘貼欄留住跑，入直路發力衝刺，埋門擒下對手，爆二十九倍大冷W，買中者和味。黃世浩首替賀廄贏馬，騎、練合作擦出火花。季內此雙組合還須重視。

    第二場余健雄贏貴廄“金槍威”。此駒上次艾比出戰鎩羽而歸，敗後換人再搏。今次轉跑長途由余健雄押陣發揮又不同，騎者留前鬥後，入直路發力一攻而破，替馬匹取得今季首場頭馬。謝貴全廄喜添一W，騎者居功不少。

    第三場張志立再贏錢健明廄“夠響夠奬”。此雙人馬上次同程挫敵，贏得轉倉後首W。拼後原裝配搭再戰原程，今次出閘搶先放在前列，全程且戰且走直帶到尾，跑完獨贏有八倍，中者好分。“夠響夠奬”轉倉打叠取兩W，練者有交代，騎者功不可沒。

    第四場高君濤贏王君適廄“寶石輝煌”。此駒久未贏馬，經連場敗仗減分後，今次回配老搭檔高君濤出擊。騎者出閘快步跟住第二位，入直路發力衝刺，掟甩對手悉先衝缐，替馬匹取得今季首W。適廄添一W，高君濤是日前三場敗北，至此才勝回一仗。

    第五場高君濤起孖。此子贏完“寶石輝煌”手風回順。是場騎輝廄“鑽飾江河”，以輕鬆姿態取勝。此雙人馬上次贏完再來，今次仍被捧成熱門，出閘順利跟住第二位，轉彎發力甩開對手直奔終點，人馬打疊贏兩場。李家輝廄增添進帳。高君濤是仗起孖，排名續領風騷。

    尾場高君濤三元埋齋。此子騎錢健明廄“無敵施瀚”，以強橫後勁挫敵。此駒向以後勁見稱，近期連敗多場求減分，今次強配高君濤搏殺一擊即中。錢廄是仗起孖，高君濤三元進帳，成績一枝獨秀。